Sinanggit
Sekar Macapat Pupuh Dhandhanggula 6 Pada, Mendhet Titilaras Pelog Pathet 6
1.
Werdine kang Budaya
Piningit,
Upacara
Siraman samangkya,
Puji
donga saranane,
Sinten
kang arsa mantu,
Hamiwaha
putra kinasih,
Nindakaken
Upacara,
Siraman
satuhu,
Amrih
kalis sambe kala,
Tulus
widada manggya suka basuki,
Binerkahan
Pangeran.
2. Rama
Ibu wus samekta gati,
Sinengkuyung
dening para warga,
Piniji
kawibawane,
Sadaya
cacah pitu,
Gunggung
nawa sanga hanenggih,
Kang
arsa nyirami putra,
Dahat
trusing kalbu,
Siniraman
Tirta Marta,
Sekar
setaman ginrujug slira rukmi,
Mrih
sirnaning sukerta.
3. Ginosokan
lulur manca warni,
Iku
asung pituduh sanyata,
Reresik
jiwa ragane,
Tirta
kacidhuk siwur,
Mengku
werdi ngupadi ngelmi,
Ngesthi
Adi Wursita,
Cinandhi
ing kalbu,
Paugeraning
Bebrayan,
Hangemudhi
laku jantraning ngaurip,
Mrih
bisa kasembadan.
4. Rama
Ibu ingkang murwakani,
Hanyirami
maring putranira,
Wujuding
tresna asihe,
Yekti
jejering sepuh,
Ingkang
tansah marsudi,
Hanggegulang
mring putra,
Bebuden
kang luhur,
Bisowa
dadi panutan,
Anggonira
mbagun bale wisma nini,
Wibawa
basukarja.
5. Pinisepuh
cacah sapta yekti,
Dadya
pralampita sanyata,
Sagung
piranti uripe,
Kulit
– daging – lan rambut,
Otot
– balung – sungsum lan getih,
Saperlu
hamanunggal,
Amrih
bisa runtut,
Sagung
tindak tandukira,
Lelandhesan
Paugeraning ngaurip,
Tansah
eling Pangeran.
6. Hamungkasi
pituduh sayekti,
Upacara
Siraman ri samangkya,
Ingkang
Agung paedahe,
Marang
kang nembe mantu,
Mugi
hantuk berkahing Gusti,
Kalis
ing sambe kala,
Wahyu
– ne tumurun,
Handayani
kulawarga,
Hanampiya
kanugrahan kang sejati,
Purwa
– Madya – Wasana.
